XWEZÎ

Xwezî şer nebûya,kuştin jî neba
Dayîka jî nekirana wêlewêl
Xwezî aştî û edlahî hebûya
Kes neçûya şîna li ser gorên kêl

Xwezî neyartî ji holê rabûya
Ew, ji boyî hemî gelan bibûya
Jin azad biban hêz ji wan çêbûya
Nebişkivîyana ji birînan kêl

Her derê bibûya şahî û geşî
Kes nebê kesî “tu çima çerm reşî.?
Her kes bi aram bijiya û bixweşî
Ne dexesî heba ne jî çavreşî

Ez di vê kelê da azad bim heger
Dê bi seranser welat bikira pêger
Ne gelî ne newal û ne jî serger
Gund bi gund,zome û zome êl bi êl…